مجموعه کامل آلبومهای محمدعارف جزراوی Mihemed Arif Cizrawi

در تاریخ ۱۳۹۸/۰۴/۰۱

کوردی – نایاب – کورمانجی

مجموعه کامل آلبومهای محمدعارف جزراوی Mihemed Arif Cizrawi
آلبومهای هنرمند :

۰۱ – Gidyano — ۲۰۰۶

۰۲ – Suwaro — ۲۰۰۶

۰۳ – Metran Isa — ۲۰۰۶

۰۴ – Seyrane — ۲۰۰۰

۰۵ – Konsera Bexdaye — ۲۰۰۰

۰۶ – Stranen Bıjarti — ۱۹۹۷ – Hesen Cizrawi- Mihemed Arif Cizrawi

۰۷ – Xane — ۲۰۰۷ —

۰۸ – Cyaye Sıngale — ۲۰۰۹

۰۹ – Yar Gewre — ۲۰۰۹

۱۰ – Diyarbekir Neşewite — ۲۰۰۷

۱۱ – Tomaren Konseran 1979

———————————————————————–

ژیانا محه‌مه‌د عارفێ جزیری (١٩١٢ -١٩٨٦)* (بلبلێ كوردستانێ) محه‌مه‌د عارفێ جزیری، د سالا ١٩١٢ان ده‌ ل جزیرا بۆتا ھاتیه‌ دنیایێ. ده‌ما د سالا ١٩١٤ان ده‌ شه‌رێ یه‌كه‌م ئێ جیھانێ ده‌ست پێ دكه‌، محه‌مه‌د عارفی ٢ سالییه‌. وه‌كه‌ كۆ د ناڤ خه‌لكێ ده‌ ژی تێ گۆتن شه‌ر و خه‌لایێ ب ھه‌ڤ ره‌ ده‌ست پێ دكن. نه‌ ته‌نێ حالێ مالباتا محه‌مه‌د عارفی ھه‌ر وه‌ھا حالێ ھیچ مالبه‌ته‌كه‌ كورد خوه‌ش نینه‌. د ڤی شه‌رێ دژوار ده‌ باڤێ محه‌مه‌د عارفی ژ ئالییێ ده‌وله‌تا ئۆسمانی ڤه‌ تێ شاندن ژ بۆ جه‌بھه‌یا شه‌ری. لێ مخابن ئه‌م نزانن بێ ئه‌و چوویه‌ كیژان جه‌بھه‌یێ. ژ بۆ كۆ د ئه‌و ده‌مێ ده‌ جه‌بھه‌یا رووس و قافقاسیایێ، یا فیلیستینێ، یا یه‌مه‌نێ و ھتد. ھه‌نه‌. لێ چ حه‌یفه‌ كۆ باڤێ محه‌مه‌د عارفی ژ شه‌ری ڤه‌ناگه‌ره‌ و ئه‌و دمینه‌ سێوی. محه‌مه‌د عارف ھێژ ١٣ سالییه‌، شه‌رێ ١٩٢٥ان ده‌ست پێ دكه‌. ئه‌ڤ شه‌ر شه‌رێ رێخستنا كۆمیته‌یا ئیستیقلالا كوردستانێ (ئازادی) یه‌. ب ده‌ھ ھه‌زاران كورد د ڤێ سه‌رھلدانێ ده‌ تێنه‌ كوشتن. لێ یێن كۆ سه‌رپه‌ره‌شتیا بزاڤا كوردستانێ دكن، پرانییا وانا تینن زیندانا دیاربه‌كرێ. ھن ژ وانا ژی دره‌ڤن ئیرانێ و ئاگرییێ. سه‌رۆكێ سه‌رھلدانێ شێخ سه‌عیدێ پالۆیی ئانگۆ پیرانێیه‌. د وێ ده‌مێ ده‌، د ئه‌و ته‌مه‌نێ خوه‌ یێ ١٣ سالی ده‌ محه‌مه‌د عارفی دگرن و تینن زیندانا دیاربه‌كرێ. ژ ٤ سالان زێده‌تر د زیندانێ ده‌ دمینه‌. د ڤر ده‌ ئه‌م نزانن كا چه‌ند سال جه‌زا ددنه‌ محه‌مه‌د عارفی. لێ ب سه‌ده‌ما كۆ ئه‌مرێ وی بچووكه‌، ژ عیدامێ خه‌لاس دبه‌. د سالا ١٩٢٨ان ده‌، د مابه‌ینا سه‌رفه‌رماندارێ حه‌ره‌كه‌تا ئاگرییێ ئیحسان نووری پاشا و ده‌وله‌تا تركییێ ده‌ ھه‌ڤدیتنێن دووقۆلی ده‌ست پێ دكن. ده‌وله‌ت ژ بۆ كۆ خوه‌ ژ كوردان ره‌ سامیمی و دۆستانه‌ نیشان بده‌ لێبۆرینه‌كه‌ ده‌ردخه‌. د ڤێ لێبۆرینێ ده‌ ھه‌موو كورد ژ زیندانێ ده‌ردكه‌ڤن. ژ زیندانیان یه‌ك ژێ محه‌مه‌د عارفه‌ كۆ سه‌ربه‌ست تێ به‌ردان. لێ ئه‌و ژ ٢ سالیا خوه‌ و ڤر ده‌ تو ره‌حه‌تییه‌كه‌ ژ دل و جانێ خوه‌ نه‌دیبوو. ل به‌ر چاڤێن وی سه‌یید عه‌بدولقادرێ كورێ شێخ ئوبه‌یدوڵاھێ نه‌ھری كۆ سه‌رۆكێ جه‌معییه‌تا ته‌عالی یا كوردستانێ بوو، ب كورێ خوه‌ و ٤ ھه‌ڤالێن خوه‌ ڤه‌ ھاتبوو دادگه‌ھكرن و عیدامكرن. ھه‌ر وه‌ھا شێخ سه‌عید و ٤٦ ھه‌ڤالێن خوه‌، ل به‌ر چاڤێن محه‌مه‌د عارفی ھاتبوون مه‌حكه‌مه‌كرن و عیدامكرن. ئه‌ڤ بوویه‌رێن ھان ھه‌موو محه‌مه‌د عارفی كربوون شاھدێ خوه‌. داییكا محه‌مه‌د عارفی عه‌دلێ خان، سترانبێژه‌كا ب ناڤ و ده‌نگ یا جزیرا بۆتان بوو. ئه‌و ل به‌ر ده‌ستێ داییكا خوه‌ مه‌زن ببوو. عه‌دلێ خان ب ھه‌ڤالێن خوه‌ ره‌ دچوو مه‌ولوود و قه‌سیده‌ و شاھییان. ژ خوه‌ د ناڤ كوردێن جزیرێ ده‌ مه‌شھووره‌، دبێژن د وه‌ختێ ده‌ میرێ بۆتان گۆتیه‌ ‘ئه‌و كه‌سێ كۆ د جزیرا بۆتان ده‌ قه‌سیده‌یه‌ك ئان سترانه‌كێ نزانبه‌ ببێژه‌ بلا ل جزیرا بۆتان نه‌مینه‌.’ ئه‌ڤ تێ واته‌یا كۆ ده‌نگێ خه‌لكێ جزیرێ زه‌حف خوه‌شه‌. محه‌مه‌د عارف، پشتی ڤان بوویه‌ران دچه‌ باژارێ دھۆكێ. ل ور ده‌ست ب سنه‌تا زارۆكان دكه‌. ده‌نگبێژییا خوه‌ به‌رده‌وام دكه‌. پاشی ژ خوه‌ ره‌ خوارنگه‌ھه‌كه‌ ڤه‌دكه‌ و ئابۆریا مالا خوه‌ پێ دكه‌. د سالا ١٩٣٢ان ده‌ ب كه‌چه‌كه‌ جۆله‌مێرگی ره‌ دزه‌وجه‌ و ژ ئه‌ڤ زه‌واجێ ٢ زارۆكێن وی تێنه‌ دنیایێ. د سالا ١٩٣٤ -٣٥ان ده‌ ل به‌غدایێ سێلكه‌كێ (پلاق) ب مه‌ریه‌م خانێ ره‌ دادگره‌. د وێ ده‌مێ ده‌ ھێژ رادیۆیا به‌غدایێ نه‌ھاتیه‌ سازكرن. د سالا ١٩٤٦ و ١٩٤٧ان ده‌، ته‌ڤی ره‌مه‌زان جزیری و چه‌ند كه‌سێن دن كۆمه‌كه‌ ئۆلی (دینی) ئاڤا دكن. ل كه‌ركووك و دووزخوورماتوو و گه‌رمیان و گه‌له‌ك جھێن دن مه‌ولوود و ئیلاھییێن دینی دخوینن. محه‌مه‌د عارف، د سالێن ١٩٤٠ان ده‌ ئه‌لماس خانێ دناسه‌. مالا ئه‌لماس خانێ وه‌كه‌ مێڤانخانا ھونه‌رمه‌ندان بوویه‌. ل ور ب عه‌لی مه‌ردان، ته‌یار ته‌وفیق، ره‌سوول گه‌ردی ره‌ تێكلی داتینه‌. عه‌لی مه‌ردان دبه‌ پره‌كه‌ د مابه‌ینا محه‌مه‌د عارفی و رادیۆیا به‌غدایێ ده‌. د ڤر ده‌، دڤێ ئه‌م رۆلا عه‌لی مه‌ردان یا ھونه‌ری و پێوه‌ندی دانینا د مابه‌ینا ده‌نگبێژێن كورمانجێن ژۆرین و ژێرین (سۆران) ده‌ ژبیر نه‌كن. د سالا ١٩٤٩ان ده‌ دچه‌ رادیۆیا به‌غدایێ و د به‌شا كوردی ده‌ سترانا دبێژه‌ و تۆمار دكه‌. د سالا ١٩٦١ان ده‌، ب حه‌سه‌نێ جزیری و ئیلیاس ھاجین ره‌ دچه‌ رادیۆیا كرمانشاھێ یا ئیرانێ. ل كرمانشاھێ سه‌ره‌دانا ئۆزانێ ب ناڤ و ده‌نگ حه‌سه‌ن زیره‌ك دكه‌. ب ھه‌ڤ ره‌ سترانان تۆمار دكن. ب ته‌مبوورا خوه‌ ته‌ڤلی سترانێن حه‌سه‌ن زیره‌ك دبه‌. محه‌مه‌د عارفی ژ ته‌مبوورا خوه‌ ره‌ زه‌حف ژێھاتی بوو. د سالا ١٩٦٦ان ده‌، ل سه‌ر داخوازییا ئاسوورییان دچه‌ كووه‌یتێ. ل كووه‌یتێ ب ده‌نگبێژێن عه‌ره‌ب ره‌ چه‌ند كۆنسه‌ران دده‌. ئه‌ڤ ژی نیشان دده‌ كۆ خه‌لكێن نه‌ مسلمان ژی چه‌ندین ژێ حه‌ز دكرن. ل گۆری كۆ نڤیسارێ كورد یێ ھێژا كۆنێ ره‌ش دبێژه‌ د سالا ١٩٦٨ان ده‌ دچه‌ قامیشلۆیێ. ل قامیشلۆیێ، ل سه‌یرانگه‌ھا گه‌ربیس كۆنسه‌ره‌ك دده‌. كورد و ئه‌رمه‌نی ھه‌ر یه‌ك ژ وان دخوازن ئه‌و ژ خوه‌ ره‌ بكن مێڤانێ خوه‌. ھه‌تا ئه‌ڤ دبه‌ سه‌ده‌ما نه‌خوه‌شیه‌كا مابه‌ینا كورد و ئه‌رمه‌نان. لێ پاشی محه‌مه‌د عارفی دبه‌ مێڤانێ ئه‌رمه‌نان. د سالا ١٩٧٣ان ده‌، ب گولباھار و عیسا به‌رواری ره‌ دچه‌ لوبنانێ و ل ور دبه‌ مێڤانێ سه‌عید یوسفی و د كۆنسه‌ران ده‌ سترانان دبێژه‌. خاسه‌ته‌ن د كۆنسه‌را سنه‌مایا ریڤۆلی ده‌. ھه‌ر وه‌ھا د سالا ١٩٧٠ان ده‌، ته‌ڤی ئاھه‌نگێن نشتیمانی دبه‌. د ھه‌مان سالێ ده‌، د نه‌ورۆزێ ده‌ ب رێڤه‌بریا رادیۆ و ته‌له‌ڤسیۆنا به‌غدایێ ره‌، ب عه‌لی مه‌ردان، ته‌یار ته‌وفیق، حه‌سه‌ن جزراوی، ئیلیاس خزر، حوسێن نعمه‌ت و كه‌سێن وه‌كه‌ وان ره‌ دچه‌ نه‌ورۆزا كه‌ركووكێ، سلێمانی و ھه‌ولێرێ. خه‌لك وان ب گه‌رمی پێشیوازی دكه‌. د ئه‌و سالێ ده‌، په‌یمانا ١١ێ ئادارێ ھاتبوو ئیمزه‌كرن و كورد گه‌له‌ك مافێن خوه‌ ب ده‌ست خستبوون. د كوردستانێ ده‌ ئازادییه‌كه‌ ته‌مام ھه‌بوو. ئه‌و ته‌ڤگه‌رییا ب سه‌ربه‌ستی، ژ به‌ر ئۆتۆنۆمیا كوردستانێ بوو. محه‌مه‌د عارفی د سالا ١٩٧٤ان ده‌، خانه‌شین دبه‌. د سالا ١٩٧٩ان ده‌ دچه‌ حه‌جێ. لێ پشتی كۆ ژ حه‌جێ دزڤره‌، ده‌ڤ ژ ته‌مبوور و ھونه‌را خوه‌ به‌رناده‌. د ڤان سالان ده‌، عه‌یشه‌ شان دچه‌ دھۆكێ و ب ھه‌ڤ ره‌ گه‌له‌ك سترانا تۆمار دكن. د سالا ١٩٨٦ان ده‌ ل دھۆكێ دچه‌ سه‌ر دلۆڤانییا خوه‌. گۆرا وی ل گۆرستانا شاخكێ یه‌، ل دھۆكێ.
RIAL 100,000 – خرید
, , , , ,